“Non podemos mercar outro planeta”, “O eucalipto é unha merda”, “Non queremos ter que ir nadando por Vigo”, ou “Non hai un planeta B”. Estos foron algúns dos lemas da concentración que protagonizaron este venres os vigueses e viguesas máis novos na Praza do Rei, como parte dunha folga estudiantil que afectou á universidade e tamén aos institutos.

De tódolos xeitos, advirte a mocidade da necesidade de “non ser hipócritas”, e acompañar esta acción reivindicativa con accións e decisións que duren todo o ano.

En estado de alerta, subliñaron o mal estado ecolóxico das cidades máis grandes, como Madrid: “O seu aire non está limpo”.

E, aínda que nesas grandes urbes as concentracións foran maiores, tamén en Vigo a mocidade puxo o seu gran de area.