A Consellería de Educación quixo evitar entrar na polémica sobre a polémica circular do IES de Mos de ameazar con sancións aos estudantes que este venres vaian disfrazados ás aulas. Unha situación que provocou o rexeitamento por parte de nais e estudantes.

Á noticia, que adianto este xoves Xornal de Vigo, non quixo reaccionar a Xunta alegando que “é unha cuestión interna do centro”. Con todo, a dirección do centro negouse a explicar os motivos desta polémica circular tras poñerse en contacto con eles este medio.

A dirección celebrou na noite deste xoves unha xuntanza coa Anpa na que explicou que os motivos para prohibir esta celebración teñen que ver coas desordes e o vandalismo que tiveron lugar na anterior festa organizada polo centro, durante o Nadal, na que se produciron algúns destrozos.

Por iso, e ante o silencio do estudantado e para evitar que tamén no Entroido tiveran lugar altercados ou destrozos, a dirección decidiu clausurar todo tipo de festas. Unha medida que rexeitaron moitos pais e estudantes que denunciaron nas redes sociais, e tamén en declaracións a Xornal de Vigo, que non poden pagar “xustos por pecadores” con medidas que semellan “da época de Franco”.