O pleno deste mércores en Vigo estivo protagonizado por Carmela Silva, tanto pola súa ausencia como a súa presenza. O PPdeG que pedía a súa reprobación polo suposto enchufe a súa cuñada, decidiu contrarrestar a ausencia da edil cunha fotografía a tamaño real da presidenta da Deputación de Pontevedra que decidiron colocar nun dos sillóns do pleno.

Esta é a secuencia de imaxes:

Durante a súa intervención, a voceira do PP, Elena Muñoz, criticou duramente a Silva por non estar presente no pleno extraordinario (tampouco o estivo na sesión ordinaria previa, por atoparse nun acto en Madrid), e concluíu que a concelleira socialista “está fuxida do pleno, o mesmo que tentou a súa cuñada para non comparecer no xuízo, que a tivo que ir buscar a Policía”.

Tras a súa primeira intervención, e cando empezaba a intervir o portavoz de Marea de Vigo, os concelleiros do PP colocaron un enorme cartel coa imaxe de Carmela Silva nun das cadeiras de brazos do salón de plenos, á vez que exhibían letreiros coa lema ‘Carmela Silva. Dimisión’. O cartel foi inmediatamente retirado por orde do alcalde, quen criticou o comportamento dos edís lembrándolles que estaban “no pleno do Concello”.