Os irmáns César e Jorge Cadaval celebrarán en Vigo o seu catro décadas sobre os escenarios, co espectáculo ‘X40+’, que poderá gozarse no Auditorio Mar de Vigo, os próximos 1 e 2 de xuño (entradas en www.ticketea.com, www.auditoriomardevigo.com e tenda Elepé).
Tras a boa acollida dos seus anteriores espectáculos de teatro, ‘En Positivo’, ‘Antónimos’ e ‘Antónimos 2’, Os Morancos regresan aos escenarios para celebrar 40 anos de carreira profesional cunha festa sorpresa organizada por dúas dos seus personaxes, Omaita e Antonia.
Mentres se prepara o evento, Jorge e César están inmersos nunha profunda crise emocional, derivada da dilatada traxectoria como parella artística, e un deles, de feito, está en paradoiro descoñecido.
Os Morancos queren reinventarse logo de catro décadas nos escenerios
Con estas vimbias técese o argumento do espectáculo, no que Os Morancos pretenden reiventarse e crear algo completamente novo. Para iso, entre outros elementos, contarán cunha impresionante posta en escena, na que destaca a presenza dunha pantalla de vídeo articulada xigante.
