Uns 60 metros cadrados, ademais de diversos ferros metálicos e doutros materiais almacenados nun depósito no recinto exterior dunha nave, arderon “sen causar ningún tipo de dano persoal nin ambiental” no concello pontevedrés de Tomiño.
Así o informou o 112 Galicia, que concretou que foron axentes da Garda Civil os que confirmaron o sucedido unha vez finalizadas os labores de extinción.
O Centro Integrado de Atención ás Emerxencias (CIAE) 112 Galicia tivo constancia do incendio sobre as 19,30 horas deste xoves cando axentes da Garda Civil indicaron que foran alertados por unha muller dun incendio preto dunha nave en Figueiró.
Segundo o relato dos axentes, a muller sinaloulles que descoñecía o que ardía, pero que escoitaba moitas explosións. Tras o aviso, o 112 activou un operativo formado polos Bombeiros de Baixo Miño, GES da Guarda, Policía Local, ademais dos axentes da Garda Civil.
Tamén, se puxo en alerta aos servizos sanitarios de urxencia e aos Bombeiros de Vigo, por se fose necesaria nalgún momento a súa intervención, así como, tamén se informou ao persoal de Medio Ambiente da Xunta de Galicia. Os medios de extinción, tras sufocar as chamas, removeron e limpar a zona, deron por finalizada a súa intervención.
