Un home vigués de 39 anos, J.M.S.X., foi detido este martes na cidade olívica como presunto autor dun delito de violencia de xénero contra a súa parella, de 34 anos, no transcurso dunha discusión.

Segundo informou a Policía Local de Vigo a través dun comunicado, os feitos tiveron lugar arredor das 8.50 horas deste martes, cando os axentes se desprazaron á Avenida de Galicia, onde un home auxiliaba a unha muller que atopara na rúa, chorando e camiñando descalza.

Tras ser comisionados pola Central de Información e Mando, os funcionarios entrevistáronse co requirente, quen detallou que a vítima lle solicitou axuda. Pola súa banda, a moza comunicou aos axentes que os supostos feitos tiveran lugar no domicilio familiar pouco antes, durante unha discusión coa súa parella.

En concreto, a vítima detallou que as agresións se produciron cando, ante unha actitude cada vez máis agresiva de J.M.S.G, ela tentou abandonar a vivenda.

Posteriormente, tras comprobar as lesións sufridas pola muller, os policías localizaron ao suposto agresor na súa residencia, onde foi detido. Mentres, a vítima foi trasladada a un centro hospitalario.