A presidenta do Partido Popular de Vigo, Elena Muñoz, anunciou este mércores a creación dun foro de actualidade e temas de interese que se celebrarán na cidade baixo o nome ‘#forosVigo‘.

Elena Muñoz avanzou que o primeiro destes foros terá como eixo temático os “40 anos de Constitución” nunha conferencia a cargo de Adolfo Suárez Illana que terá lugar o próximo día 30, ás 20,00 horas, na sede do RC Celta na rúa do Príncipe.

“Cremos que non hai mellor forma de iniciar estes foros que falando da nosa Constitución”, sinalou Muñoz, que explicou que estes foros se celebrarán “como mínimo unha vez ao mes”.