O alcalde de Vigo, Abel Caballero, celebrou este martes que a ocupación hoteleira durante o mes de outubro na cidade rozou o 80%, uns datos “fóra de serie”, e que supoñen “25 puntos máis” ca en outubro de 2025.

Así o manifestou en declaracións remitidas aos medios, nas que apuntou que, segundo os datos trasladados polos propios hoteis, o 10% das persoas visitantes procedían de Galicia e o 53% do resto de España.  Mentres, un 37% dos visitantes viñan do estranxeiro, sendo o turismo portugués o máis numeroso, seguido por viaxeiros chegados dos Estados Unidos, Italia, Alemaña e o Reino Unido.

Abel Caballero sinalou que o mes de outubro, malia que tradicionalmente se considere tempada baixa, deixou en Vigo cifras de ocupación do 80%, no que foi “o mellor outubro da historia da cidade”. Por iso, concluíu que a urbe olívica se converteu en “potencia turística”.