O alcalde de Vigo, Abel Caballero, demandou voos internacionais que conecten á cidade con capitais como Londres ou París e rutas nacionais con Bilbao, Valencia e Sevilla, polo que solicitou á Xunta e á Deputación de Pontevedra “implicación económica”.

“Os voos de Vigo teñen que pagarse a terzos”, reivindicou o rexedor, criticando que o ente provincial “continúe negándose” a participar no financiamento de voos e considerando a proposta autonómica de realizar campañas de publicidade en destino como “insuficiente” cando non existen conexións directas. “As tres cidades compartimos que hai que contratar voos“, apuntou, insistindo na súa intención de reforzar tamén os voos a Barcelona.