Unha persoa foi rescatada nas últimas horas despois de caer polo furo do ascensor nun edificio de Vigo, segundo informaron fontes do CIAE 112 Galicia.

O accidente produciuse pouco antes das 21.00 horas deste martes, cando esa persoa precipitou polo furo dun elevador nun inmoble da rúa Urzáiz e quedou ferida tras unha caída de entre 3 e 4 metros. Desde os servizos de emerxencias avisouse a Urxencias Sanitarias de Galicia-061, á Policía Nacional e aos Bombeiros de Vigo. A persoa ferida foi rescatada e asistida no punto antes de ser trasladada a un centro hospitalario.