Os Exércitos de Terra e do Aire e do Espazo, a Armada, a UME e a Garda Civil exhibiron este venres as súas capacidades operativas conxuntas, con simulacións de combates e operacións de rescate na praia de Samil, á que asistiron centos de vigueses para demostrar o seu agarimo ás Forzas Armadas no marco dos actos previstos para conmemorar o seu día.
O rei Felipe VI, ataviado co uniforme da Armada, presidiu a demostración acompañado pola ministra de Defensa, Margarita Robles, o xefe de Estado Maior da Defensa, almirante xeral Teodoro Esteban López Calderón, e autoridades civís. Antes desta, a súa maxestade pasou revista ás dotacións da Armada e do Servizo Marítimo da Garda Civil participantes a bordo do Buque de Acción Marítima (BAM) ‘Audaz’, un dos máis modernos da Armada.
Na revista naval participaron o buque anfibio portaeronaves LHD ‘Juan Carlos I’; o buque de asalto anfibio LPD ‘Castela’; as fragatas ‘Blas de Lezo’, ‘Almirante Juan de Borbón’ e ‘Raíña Sofía’; o buque hidrográfico ‘Malaspina’; e o buque oceánico ‘Duque de Ahumada’ e a patrulleira ‘Río Lunaa’, ambos da Garda Civil.
Unha vez finalizada a revista naval, Felipe VI trasladouse á praia de Samil, onde tivo lugar a exhibición dinámica das capacidades conxuntas e na que as Forzas Armadas simularon situacións de combate, operacións anfibias e rescates de emerxencia mediante exercicios de alta complexidade que requiriron “centos” de horas de adestramento.
SALTO PARACAIDISTA, ATENCIÓN FERIDOS E RESCATE ACUÁTICO
Comezou cunha demostración da Patrulla Acrobática de Paracaidismo do Exército do Aire e do Espazo (PAPEA), cuxos integrantes descenderon sobre a praia portando a bandeira do Centenario dos Grandes Voos e a bandeira nacional, esta última portada polo sarxento primeiro Pablo García Matanza, de Lugo. Respecto ao Exército de Terra, estivo representado por unha sección motorizada de vehículos VAMTAC de infantaría e zapadores. Executou a atención a feridos en combate e a desactivación de explosivos.
A continuación, a Unidade Militar de Emerxencias (UME) realizou unha demostración de rescate acuático e asistencia sanitaria nun escenario simulado de inundación, como os sucedidos na dana que arrasou varias localidades valencianas en outubro 2024, que terminou con técnicas de estabilización e reanimación cardiopulmonar avanzada na praia.
Despois a Garda Civil realizou unha intervención conxunta no ámbito marítimo fronte a unha ameaza terrorista, concretamente un rescate a un buque secuestrado. Quenda despois da Armada, que levou a cabo unha operación anfibia completa por aire e por mar consistente nun escenario realista no que unha forza hostil toma o control dunha zona costeira estratéxica. A misión era recuperar ese terreo, neutralizar a ameaza e asegurar os obxectivos marcados na praia.
A exhibición concluíu coa Patrulla Aspa, composta por cinco helicópteros, que pintaron o ceo coas cores da insignia español.a, sendo un dos momentos máis aclamados da tarde. Para pór o broche final, o líder da Patrulla Aspa, o comandante Gallego, despediuse das autoridades e cidadáns asistentes e lembrou que levaban 15 anos sen facer acrobacias na ciudada olívica. “Grazas Vigo por acollernos, grazas Galicia, viva as Forzas Armadas, Viva España e Viva o Rei”, proclamou.
En total, entre a revista naval e a exhibición dinámica, participaron 2.600 membros das Forzas Armadas e a Garda Civil. As actividades vespertinas polo DIFAS complétanse cunha exposición estática na avenida de Beiramar, que posibilitou que os cidadáns coñezan os medios de defensa dos que dispón España. Este sábado celebrarase o acto central, unha parada militar que percorrerá a avenida de Samil e na que participarán máis de 3.700 militares. Presídea Felipe V e a princesa Leonor acode por primeira vez.
