O sorteo da Bonoloto deste luns deixou dous premios de máis de 60.000 euros en dous establecementos de Vigo, onde se selaron dous boletos gañadores da Segunda Categoría. En concreto, segundo informa Lotarías e Apostas do Estado, o primeiro premio (ao acertar os 6 números) caeu en La Carolina, en Xaén, dotado de máis de 4,38 millóns de euros.

Pola súa banda, repartíronse tres segundos premios (5 acertos e un complementario). Destes, un foi a parar a Barcelona e os outros dous a Vigo, repartidos en dous locais situados na Avenida de Castrelos e na Avenida do Freixo. Cada un deles está dotado con 60.300,52 euros.