Dúas persoas resultaron feridas e tiveron que ser evacuadas a un centro sanitario tras rexistrarse un incendio nunha vivenda de Vigo, segundo informou o CIAE 112 Galicia. Os feitos ocorreron sobre as 19.30 horas deste domingo, cando un particular alertou a Emerxencias porque saía fume da azotea dun edificio na rúa Andalucía. Pouco despois, outros particulares chamaron ao 112 para confirmar que tamén había fume nos corredores do inmoble e no patio.

O 112 avisou aos bombeiros da cidade, á Policía Local e á Policía Nacional, ademais do 061. Os servizos extinción apagaron as chamas, que calcinaron o interior dun piso, e os sanitarios trasladaron a dúas persoas a un centro hospitalario con queimaduras.