A inauguración da 26º edición da feira internacional de produtos do mar conxelados Conxemar chegou un ano máis acompañada de retencións e tráfico lento na contorna dos accesos cara ao Instituto Feiral de Vigo (Ifevi). As retencións danse nos dous accesos desde a AP-9 cara ao recinto feiral, e na Avenida do Aeroporto, zonas nas que adoita ser habitual, aínda que se habilitou un plan de tráfico para paliar os efectos semellante ao de exercicios anteriores. Durante esta mañá producirase o acto de inauguración da feira, coa presenza do ministro de Agricultura, Pesca e Alimentación, Luís Planas, entre outros.