O goberno municipal de Vigo trasladou este luns o seu rexeitamento ante a presenza dun coñecido ‘tiktoker’, El Dandy de Barcelona, nun evento organizado por un local de lecer da cidade, que terá lugar este venres.

Así, tras saberse que unha discoteca anuncia a presenza deste catalán, “coñecido polos seus discursos e actitudes abertamente machistas, misóginas, puteras, franquistas, racistas e homófobas“, a tenente de Alcalde, Carmela Silva expresou a oposición do goberno vigués.

“Consideramos que Vigo ten que ser un lugar libre de violencias contra as persoas e por iso facemos un chamamento a ese local de lecer situado en Vigo para que non se produza esta actuación que atenta contra os dereitos das persoas”, proclamou.