A Policía Nacional detivo en Vigo a unha muller que portaba máis de 14 gramos de droga e 530 euros en efectivo, ademais dunha báscula de precisión. Os feitos ocorreron cando a aludida foi localizada na vía pública en compañía dun home “realizando movementos estraños”, segundo apuntan os axentes. Por iso, déuselle o alto, emprendendo esta a súa fuxida.

Cando os funcionarios a alcanzaron, procederon á súa identificación e rexistro do bolso que levaba, localizando uns 5 gramos de cocaína, unha báscula de precisión e 530 euros en efectivo. Por iso, foi detida. En dependencias policiais, acháronse tamén máis gramos de cocaína e preto de 1,1 gramos de heroína.