A cidade de Vigo recibiu este mércores a case 13.000 turistas a bordo de dous cruceiros que fixeron escala simultánea na terminal viguesa, o ‘Independence of the Seas‘ e o ‘MSC Virtuosa‘. Segundo informou a Autoridade Portuaria, o ‘Independence of the Seas‘ chegou a Vigo sobre as 8.30 horas, procedente de Southampton e partirá a media tarde rumbo a Lisboa. A bordo deste buque viaxan 4.420 pasaxeiros e 1.434 tripulantes. O ‘MSC Virtuosa‘ chegou sobre as 8.00 horas proedente de Lisboa e partirá tamén a media tarde cara a Cherburgo, con 5.215 cruceristas e 1.674 tripulantes. Os cruceiros, que suman máis de 670 metros de eslora, están atracados no Peirao de Transatlánticos.