A Policía Local de Vigo detivo o pasado venres, día 30 de maio, a un home, J.C.T.V. de Pontevedra e 50 anos de idade, tras provocar un altercado nun hostal de Vigo e ocultar máis de 11 gramos de cocaína no seu recto. Foi sobre as 22.00 horas cando os responsables do establecemento alertaron aos axentes, indicando que un home estaba nervioso no local e rompera o seu móbil arroxándoo contra o chan.

A pesar de convidalo a marchar do lugar, o home comezou a pasearse espido polas zonas comúns e a molestar aos demais hóspedes. Unha vez no punto, os funcionarios entrevistáronse co apuntado, que se negou a colaborar nun principio, aínda que finalmente accedeu. No cacheo superficial atopáronse nunha mochila 15.900 euros e varios fragmentos de haxix. Máis tarde, o home extraeu do seu recto unha bolsa con preto de 12 gramos de cocaína, procedendo á súa detención como suposto autor dun delito contra a saúde pública.