A Asociación de Dano Cerebral Alento elaborará este sábado a tortilla “máis grande da historia de Vigo” para celebrar o seu 25 aniversario cun “espectáculo sen precedentes” no barrio olívico de Navia.
Segundo informou a entidade, o evento será a pé de rúa e de acceso libre ás portas da sede de Alento na rúa Pedra Seixa, iniciándose a partir das 17.00 horas con música e actividades.
“Organizamos uns aniversarios ao grande co obxectivo de abrirnos á cidade, dar a coñecer a asociación e tamén como agradecemento a Vigo polo seu apoio e compromiso coas persoas afectadas por dano celebrar adquirido en todos estes anos”, destacou o director xerente da asociación, Gonzalo Mira.
A celebración arrincará coa saída do grupo de percusión ‘Lenha Verde’, que fará un pasacalles pola zona. Tamén actuará ás 17.00 horas a Coral de Teis. Haberá pallasos e xornada de portas abertas esa tarde, entre outras actividades.
Ás 18.00 horas iniciarase a elaboración da tortilla xigante, cuxa preparación será retransmitida en pantalla xigante e sobre as 19.00 horas o equipo do Ovo da Avoa, empresa coa marca Guiness na elaboración de tortilla máis grande da historia, daralle a volta cun guindastre de seis metros. A partir de entonces, serviranse racións.
