InicioMovementos SociaisSanitarios de Vigo piden "tolerancia cero" contra a violencia no PAC ao...

Sanitarios de Vigo piden “tolerancia cero” contra a violencia no PAC ao ser “punto negro” de ataques

Actualmente a única forma de paralos é chamar á Policía pero, mentres non chegan os axentes, son os traballadores os que son agredidos, segundo sentenciou

PUBLICADO O

- Advertisement -

Profesionais sanitarios da área de Vigo volveron a concentrarse este xoves para esixir “tolerancia cero” ás agresións que nas últimas semanas sufriron diversos empregados, pedindo máis seguridade nos postos de traballo e concretamente no Punto de Atención Continuada (PAC) da rúa Pizarro, ao ser un “punto negro” de ataques “habitualmente”.

Con berros de ‘Contra as agresións, máis prevención’; ‘Máis implicación da Administración’; ‘Non, non, non ás agresións‘, ou ‘Máis seguridade nos postos de traballo’, preto de medio centenar de sanitarios protestaron ás portas do PAC tras un novo ataque (e xa van tres nun mes) a traballadores.

Neste caso foi precisamente no PAC (os dous anteriores no hospital Álvaro Cunqueiro). Alí, un acompañante dun enfermo agrediu a tres traballadores (dous administrativos e un condutor) que trataban de impedir que accedese ao centro cun patinete eléctrico, xa que a normativa así o prohibe.

“A peor parte levouna unha administrativa, con rascazos e contusións sobre todo nos brazos”, apuntou a presidenta da xunta de persoal da área de Vigo, Pilar Rodríguez.

Ela lamentou que o PAC sexa un “punto negro” de agresións, reclamando seguridade privada para evitar estas situacións e lembrando que no pasado xa tivo este servizo.

Ademais, explicou que é “algo habitual” non só as agresións, senón danos no mobiliario ou mesmo roubos de medicación. Ante estes casos, na actualidade a única forma de paralos é chamar á Policía pero, mentres non chegan os axentes, son os traballadores os que son agredidos, segundo sentenciou.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...