O portavoz municipal do BNG en Vigo, Xabier Pérez Igrexas, demandou ao goberno local “solucións urxentes” ante a “precariedade” na que se atopa a agrupación de Protección Civil da cidade.
Nun comunicado, os nacionalistas lamentaron a “insustentable” situación deste organismo, que leva cinco anos funcionando de forma “irregular” baixo unha xestora provisional, “fóra dos prazos legais”, segundo asegura o BNG.
Por iso, Igrexas pediu a convocatoria urxente de eleccións para restituír a normalidade organizativa e facer máis transparente a xestión dun servizo financiado con fondos públicos.
“O goberno local de Abel Caballero empuxa a Protección Civil á irrelevancia mentres a substitúe por entidades privadas”, declarou o portavoz do BNG, apuntando tamén ao estado “lamentable e inhabitable” das instalacións desta agrupación.
