InicioPolíticaCaballero di que a Xunta "mente" sobre as obras na cidade: "o...

Caballero di que a Xunta “mente” sobre as obras na cidade: “o túnel de Elduayen está parado”

Tanto o alcalde vigués como o goberno galego acúsanse mutuamente de buscar a confrontación

PUBLICADO O

- Advertisement -

O alcalde de Vigo, Abel Caballero, e a Xunta de Galicia volveron a protagonizar este xoves unha nova lea sobre o trato que recibe a cidade olívica, acusándose mutuamente de querer confrontar.

Noutro audio difundido aos medios de comunicación, o rexedor manifestou que o Executivo autonómico “mente” sobre as obras na cidade, asegurando que o túnel de Elduayen está “parado” polo Executivo autonómico, do mesmo xeito que o túnel de Beiramar.

Ademais, Caballero asegurou que “todo o está parando a Xunta e o que hai que pagar, págao Vigo”, referíndose, entre outros proxectos, a un parque infantil que se pretende desenvolver no Berbés.

Pola súa banda, a conselleira de Vivenda e Planificación de Infraestruturas, María Martínez Allegue, lamentou que o goberno local busque “confrontación”, lembrando que hai un ano o presidente galego, Alfonso Rueda, reuniuse con Caballero, chegando a acordos sobre temas “fundamentais” como a ETEA ou os túneles de Beiramar e Elduayen. Precisamente este último conta cunha partida nos orzamentos autonómicos deste 2025.

Allegue dixo que esta mesma semana Rueda “tendeu a man” ao Concello de Vigo para chegar a acordos, pero “sorpresivamente” Caballero “parece que busca confrontación”. “O alcalde non quere diálogo coa Xunta”, sentenciou.

Na mesma liña falou a presidenta do PP local, Luisa Sánchez, que pediu a Caballero que “deixe ao carón a confrontación“, criticando que dinamitase un posible entendemento con Rueda ao “desprezar” o ofrecemento do presidente autonómico. “Queda claro quen pon os problemas”, dixo.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...