Axentes da Garda Civil detiveron a unha persoa nun operativo desenvolvido nas últimas horas, coordinado polo xulgado de instrución 2 de Vigo, no marco dunha investigación por un suposto delito de detención ilegal.

Segundo confirmaron fontes coñecedoras da actuación, a investigación atópase baixo segredo de sumario e aínda hai dilixencias pendentes de ser practicadas. Con todo, as mesmas fontes confirmaron que se produciron varios rexistros, en domicilios de Vigo e da localidade de Cangas do Morrazo.