Centenares de persoas manifestáronse na tarde deste xoves en Vigo para esixir “máis recursos e menos recortes” para os servizos públicos, en especial aqueles relacionados coa atención á diversidade na educación. Convocados pola Federación Olívica de Anpas (Foanpas); os sindicatos STEG, CIG e CUT, e a plataforma Adoece (de familias con mozas con problemas de saúde mental), entre outros colectivos, os manifestantes saíron á rúa, pese ao frío, para pedir uns mellores servizos públicos que, segundo din, son a “garantía da calidade democrática e da xustiza dun país”.
Precedidos por unha pancarta que rezaba ‘En defensa dos servizos públicos. Non aos recortes’, gritaron consignias como ‘Menos recortes, máis recursos’; ‘Servizos públicos e de calidade’, ou ‘O público é servizo, o privado é beneficio’.Tras partir pasados uns minutos das 19.00 horas do cruzamento de Vía Norte con Urzaiz, baixaron camiñando ata a rúa Colón. Alí, leron un manifesto no que se reivindica a liberdade como “a sabedoría de repartir os recursos con xustiza e equidade para que todos vivan ben”.
“Os recortes e as mal chamadas políticas de austeridade levan dúas décadas deteriorando a calidade dos servizos e precarizando aos traballadores. Esta situación na enseñaza ten consecuencias moi graves para a sociedade dun futuro próximo, pois afecta as persoas chamadas a ser as donas do futuro, os nenos”, lamentaron.
“FALTA DE RECURSOS”
En concreto, os máis afectados, segundo dixeron, son aqueles con necesidades educativas especiais, “que sofren de forma moi drástica a falta de recursos”, solicitando unha redución dos cocientes en escolas e institutos.Respecto diso, a presidenta de Foanpas, Iria Salvande, lamentou a “deterioración” dos servizos públicos, pondo o foco en que os colexios da cidade seguen sen a profesionais PT (Pedagoxía Terapéutica) e Ao (Audición e Linguaxe) que necesitan para cubrir a demanda, e subliñou que, á marxe do chamado Plan MEGA da Xunta, do que cuestionou a súa eficacia e lembrou que se financia con fondos europeos, o reforzo de profesores na cidade foi de “cero”.
“Neste momento seguimos tendo os mimos problemas que tiñamos en outubro. O que pasou é que entrou en vigor o plan MEGA, pero o que fixo é pór un parche ata maio, que volveremos ter o mesmo problema”, insistiu.
