As imaxes que conforman Lugares, a última serie do fotógrafo Vari Caramés (Ferrol, 1953), xúntanse nun fotolibro homónimo da man de Fabulatorio, que foi presentado onte na galería Apo’strophe Sala de Arte de Vigo.

O artista estivo acompañado no acto por Cibrán Rico e Suso Vázquez, impulsores do proxecto editorial Fabulatorio. E alí afondou nunha obra relacionada coas paisaxes, pero as da imaxinación, que están a medio cabalo entre a realidade e a fantasía.