A Asociación Veciñal de Teis está a esixir a limpeza da vía do ferrocarril en Teis. Esta Asociación asegura ter solicitado por escrito ao Concello no mes de xullo e outubro a limpeza desta vía ao goberno municipal, sen recibir ningunha resposta.
O pasado mes de abril Adif cedeu a vía do ferrocarril sen uso que vai até a estación de Urzaiz, co obxectivo de realizar unha senda verde.
“Esta vía atopase abandonada desde hai anos, e a veciñanza quéixase da abundante vexetación, da presenza de ratas“, recollen desde a Asociación.
Aseguran que incluso “hai tramos con vivendas moi próximas, o que xa obrigou nestes anos a limpeza da vía nalgún punto pola propia veciñanza para evitar que lle chegue o mato ás vivendas, logo de reiteradas denuncias da veciñanza e da Asociación”.
Hai meses que foi anunciado o proxecto da senda verde, mentres tanto, a Asociación de Veciños defende que “até que se execute está obra, o Concello terá que encargarse do mantemento deste espazo cedido e que na actualidade provoca molestias á veciñanza”.
