María Elisa González García (Vigo, 1991) resultou gañadora do IV Premio de Investigación e Ensaio sobre Aplicacións Terapéuticas da arte convocado polo Centro de Arte Fundación María José Jove co seu ensaio ‘Proxecto Crepitantes: unha práctica artística ao redor da fibrosis quística’.

Segundo informa o organismo, dotado con 6.000 euros e a publicación do ensaio, con este certame a entidade quere “fomentar o pensamento contemporáneo e a súa confluencia interdisciplinar en relación á arte e a saúde”.

A iniciativa gañadora, engade, é unha investigación interdisciplinar que analiza como a creación artística ao redor da fibrosis quística “pode visibilizar e valorar os relatos de colectivos afectados por esta enfermidade crónica”.

A este respecto, o xurado valorou “a súa capacidade para ser adaptado e replicado en distintos contextos, así como a calidade do material educativo xerado”. Ademais, considerouse a creación dunha comunidade en torno ao proxecto, e o uso da práctica artística como testemuño dunha patoloxía.