Un accidente entre dous camións saldado sen persoas feridas provocou retencións durante a mañá deste mércores na autoestrada AP-9 ao seu paso por Vigo, xa que os carrís sentido Tui quedou cortado totalmente durante media hora.

Segundo a información facilitada polo CIAE 112 Galicia, o sinistro produciuse ás 12,00 horas deste mércores no quilómetro 155 da autoestrada, á saída do túnel de Candeán.

O alcance entre dous camións, que non causou feridos, si provocou problemas de circulación na zona durante uns 35 minutos, ata que a Garda Civil logrou habilitar un dos carrís do sentido sur para que puidesen pasar os vehículos.