Axentes do grupo UDYCO I da Comisaría de Policía Nacional de Vigo detiveron a un home como suposto autor dun delito de tráfico de drogas e por defraudación do fluído eléctrico, como responsable dunha plantación de marihuana localizada no interior dunha casa okupada na zona de Castrelos.
A investigación iniciouse a finais do mes de agosto, por parte de efectivos da Policía Local e do grupo operativo de noites da Policía Nacional. As probas permitiron comprobar que existía esta plantación ‘indoor’ nun inmoble que fora okupado.
Con apoio da UIP, levou a cabo un rexistro da casa e interviñéronse 3 quilos de marihuana, unha báscula de precisión, sustancias necesarias para o cultivo, maceteros, lámpadas, 23 transformadores, tubos de rega, unha bomba de auga, equipos de refrixeración, filtros e un motor de ventilación.
Grazas a investigacións posteriores púidose identificar ao responsable da plantación, que foi detido o pasado martes, e ao que se lle atribúe un delito contra a saúde pública e unha fraude do fluído eléctrico por valor duns 7.000 euros. O investigado foi posto a disposición do xulgado de instrución 6 de Vigo.
