Os efectos dos grandes incendios que queiman Portugal xa chegaron a Galicia. Localidades do sur de Pontevedra, especialmente os máis próximos á fronteira, xa senten os efectos desta gran vaga de lume que arrasa o país veciño desde hai varios días.

Localidades coma Baiona, Nigrán, Gondomar, A Guarda ou Tomiño espertaron esta mañán con fumareda, cheiro a queimado e un ceo gris. Tamén a cinsa dos lumes está chegando a Galicia por efecto dos ventos que van de sur a norte.