Un home resultou ferido grave despois de ter unha caída na moto que conducía en Mondariz, segundo informa o servizo de emerxencias 112.

Foi un particular quen, pasadas as 19,00 horas deste venres, chamou ao 112 para pedir asistencia médica urxente para o motorista que sufriu o accidente no lugar de Cambra.

O 112 informou os servizos sanitarios de urxencia, á Garda Civil de Tráfico e aos efectivos do GES-Bombeiros de Ponteareas.