Se onte foi o Día de Tódolos Santos, hoxe venres celébrase o dos Fieis Difuntos. Dúas xornadas na que os cemiterios se enchen de persoas que recordan a influencia nas súas vidas dos que xa viaxaron máis aló.
E cada un reflicte o cariño ao seu xeito particular. Así, as familias xitanas destacaban este xoves pola gran cantidade de ofrendas florais e acudir de forma conxunta a amosar os seus respectos, mentres que os paios o facían en parellas ou incluso nunha profunda soidade.
Son maneiras distintas de pensar nos falecidos, como a que ten o pobo mexicano, que celebra por todo o alto estes días, como vén de inmortalizar Disney na súa cinta ‘Coco’. Organizan festas cheas de luz, cor e música tradicional.
En Vigo, o protagonista das xornadas está a ser o paraugas, complemento imprescindible mentres non escampa.
