O Servizo Marítimo da Garda Civil de Pontevedra identificou a un mergullador realizando pesca ilegal nas Illas Atlánticas, segundo informa. Foi durante un servizo rutineiro e ao observar unha embarcación que podía estar a realizar pesca de forma ilegal nas inmediacións da illa de Onza, en illas Ons, incluídas no Parque Nacional das Illas Atlánticas.

Unha vez no lugar, obsérvase a unha persoa no interior da embarcación que realiza labores de vixilancia e outra na auga facendo pesca submarina en apnea. A persoa que estaba a pescar na auga portaba un fusil de pesca submarina e un traxe de neopreno. Foi identificado como un home de 50 anos, con domicilio en Cangas. Desta actuación derívanse dúas infraccións administrativas.