Un camión que transportaba vehículos sufriu un incendio cando circulaba por Matamá en dirección ao centro da cidade de Vigo, sen que haxa que lamentar feridos. O incidente produciuse ás 18:30 horas deste mércores no quilómetro 6 da VG-20, segundo informou o CIAE 112 Galicia.

O condutor do camión e outros particulares deron a voz de aviso á central de emerxencias, que activou un dispositivo no que participaron os bombeiros de Vigo, Garda Civil e Policía. Ao operativo tamén se sumaron efectivos do distrito forestal da provincia de Pontevedra da Consellería do Medio Rural, xa que as chamas propagáronse a unha zona de monte.