Salvamento Marítimo remolcou a un veleiro sueco, cun tripulante, tras romperlle a vela a 15 millas ao noroeste das illas Cíes. Segundo informaron fontes de Salvamento, foi sobre a medianoite deste mércores cando recibiron o aviso do veleiro, de nome ‘Lovisa’ e de oito metros de eslora. Ata o punto mobilizouse a lancha ‘Salvamar Mirach’ que remolcou a embarcación ata o porto de Cangas.