O pleno de Vigo aprobou este luns unha moción socialista na que se insta á Xunta a financiar voos nacionais e internacionais desde Peinador. A iniciativa saíu adiante co visto e prace do grupo socialista, mentres que o PP votou en contra e o BNG se abstivo.

Foi o concelleiro Jaime Aneiros o encargado de defender a moción, co obxectivo de promocionar o aeroporto de Vigo a través do financiamento de voos por parte do Executivo autonómico porque “son un instrumento importantísimo para a actividade económica”.

Entre outras cousas, a corporación municipal de Vigo tamén aprobou outra moción na que se instaba á Xunta a reformar os centros educativos públicos da cidade. Esta votación saíu adiante por unanimidade.