A triatleta paralímpica viguesa Susana Rodríguez Gacio recolleu onte o Premio Reina Letizia, dentro dos Premios Nacionais do Deporte, no Palacio Real do Pardo.

Susana, que ademais de triatleta é médica de familia, convertíase así na primeira deportista con discapacidade en conseguir este galardón, que a recoñece como a mellor deportista muller do ano 2023.

Logrou este galardón tras conquistar a medalla de ouro nos Xogos Paralímpicos de Tokio en 2021. Tamén logrou revalidar os seus títulos de campioa do Mundo e de Europa no 2022, ademais de gañar varias probas da Copa do Mundo e das Series Mundiais de tríatlon paralímpico.