Un accidente múltiple rexistrado á primeira hora deste xoves na AP-9 causou importantes retencións no túnel da Madroa, na entrada á cidade de Vigo. O accidente ocorreu sobre as 7.30 horas no quilómetro 152 da AP-9, en sentido sur, xusto no interior do túnel, e nel víronse implicados catro vehículos. A causa do choque, foi necesario interromper a circulación, polo que se formaron importantes retencións na zona.
Ata o lugar foron mobilizados os profesionais de Urxencias Sanitarias de Galicia-061, que asistiron a dous feridos leves, e os axentes da Garda Civil de Tráfico, que renovaron a circulación pouco antes das 9,00 horas.