O cangués Guillermo Pousada Fernández, recoñecido biólogo que en 2021 gañou o premio nacional ao mellor investigador e máis novo en VIH, faleceu o pasado domingo aos 40 anos de idade despois de anos dunha loita contra o cancro que el mesmo narraba a través de redes sociais.
Orixinal da capital morracense, o luns os restos mortais foron conducidos desde o tanatorio ata a excolegiata de Santiago de Cangas, onde se celebrou o funeral. Pousada era licenciado en Bioloxía e doutor en Xenética Humana e Bioloxía Molecular, especiado en enfermidades raras, pola Universidade de Vigo. Polo seu labor investigador recibiu varios recoñecementos, entre eles o premio nacional ao mellor investigador e máis novo en VIH en 2021.
Desde finais de 2017, era coordinación dos ensaios clínicos do servizo de Medicina Interna, grupo de enfermidades infecciosas, do Hospital Álvaro Cunqueiro de Vigo. En 2022, foi diagnosticado de cancro de boca e, desde entón, empregaba as redes sociais para relatar e visibilizar a súa loitar persoal contra a enfermidade.
