Un vigués que posuía máis de 180 arquivos de pornografía infantil no seu computador aceptou un ano de cárcere na vista de conformidade levada a cabo este xoves no Xulgado do Penal número 2 de Vigo.
Os feitos remóntanse aos meses de marzo e abril de 2022, cando se tivo coñecemento de que un usuario estaba a distribuír este material a través da conexión web da súa vivenda, situada na cidade olívica.
Por iso, practicouse un rexistro no domicilio deste ancián, atopando máis de 180 arquivos entre o seu computador portátil e diferentes memorias externas. Ademais, constatouse que compartira polo menos 18 ou 19 arquivos deste tipo.
Por iso, Fiscalía solicitaba tres anos de prisión por un delito de posesión e distribución de pornografía infantil, aínda que finalmente o acordo entre as partes reduciu a pena a un ano de cárcere.
