Un home faleceu este sábado no municipio pontevedrés de Mos tras precipitarse por un terraplén coa súa cadeira de rodas.
Segundo a información proporcionada polo 112-Galicia, un particular contactou despois das 12,00 horas deste sábado para pedir asistencia para un home con minusvalía que ía en cadeira de rodas e que se precipitou por un terraplén na baixada á Picota, en Tameiga.
Ata a zona mobilizáronse efectivos do GES de Mos, que tiveron que rescatar ao home, e da Policía Local, así como persoal sanitario do 061 que, a pesar dos intentos de reanimación, só puideron certificar a morte da vítima.
