Axentes da Policía Nacional da Comisaría de Vigo e efectivos da Axencia Tributaria interviñeron máis de 20 quilos de cocaína que viaxaban escondidos nun colector de peixe conxelado, con destino a unha empresa da cidade olívica. Segundo informaron fontes policiais, a investigación iniciouse hai meses e concluíu coa localización deste colector, que transportaba mercadoría legal (peixe conxelado) desde Ecuador con destino a “unha gran empresa” de Vigo.
A droga estaba distribuída en paquetes dun quilo aproximadamente co logo “888”, e foi ocultada nun compartimento externo de refrixeración do colector. O operativo, do que se encarga a Udyco, segue en marcha e a investigación está aberta, para confirmar quen ou quenes son responsables deste envío e proceder ás detencións do suposto ou supostos autores deste delito contra a saúde pública.
