Un novo incendio rexistrado na mañá deste domingo na antiga nave de Massó na localidade pontevedresa de Cangas quedou controlado e queda desactivado o Plan de Emerxencias Municipal. A alcaldesa de Cangas, Araceli Gestido, explicou, a Europa Press, que o que fixeron os efectivos foi retirar o material que había no interior e dividírono en tres grupos de maneira que, se volve arder “non cause tanto problema”.
Segundo informou o 112, na xornada do sábado tiveron un primeiro aviso de fume e ata alí desprazáronse os servizos de emerxencia que indicaron que había bastantes palés de cartón no interior. Esta semana xa se produciu outro incendio nas mesmas instalacións, que se atopan tapiadas desde hai meses e que xa sufriron outro lume a semana pasada.
