O Centro de Saúde do Porriño estrea este martes as súas novas instalacións, despois de que a Xunta de Galicia investise uns 4,3 millóns de euros na ampliación das súas infraestruturas.
Tal como informou o Servizo Galego de Saúde (Sergas) nun comunicado, as obras permitiron ampliar a superficie do centro en 1.100 metros cadrados, polo que se reorganizarán e redistribuirán os seus servizos entre o antigo e o novo edificio.
A nova estrutura conta con tres plantas e acolle o Punto de Atención Continuada (PAC), unha nova área de Fisioterapia e gran parte dos servizos asistenciais. A obra permitiu incrementar a área de adultos en seis consultas máis; a de pediatría, en tres, e a PAC, en catro.
Unha vez terminada esta ampliación, vaise a acometer a segunda fase da obra, que suporá a reforma do edificio orixinal.
