A Policía Local de Vigo informou sobre un dispositivo de apoio prestado aos servizos sanitarios para o traslado dun neno menor de idade e que se atopaba en estado moi agresivo. A nai do menor, de 12 anos de idade, chamou este martes ao 092 para avisar de que o seu fillo estaba a ter un comportamento moi violento, polo que unha dotación se trasladou ao domicilio.

Unha vez na vivenda, os axentes comprobaron que o neno estaba encerrado na cociña e que estaba moi nervioso e agresivo, polo que se deu aviso a unha ambulancia. O persoal sanitario, co apoio dos axentes, conseguiu que o menor se acougase para ser atendido e, posteriormente, de forma voluntaria, accedeu a ser trasladado en ambulancia ao hospital Álvaro Cunqueiro.