Decenas de condutores víronse envolvidos nun atasco na AP-9 ao seu paso polo aeroporto de Vigo debido á inauguración da 24ª edición da Feira de Produtos do Mar Conxelados, Conxemar.

O evento, que se celebra desde este martes ata o xoves no Instituto Ferial de Vigo (Ifevi), reunirá a máis de 700 empresas, batendo un ano máis marca de expositores. Así, desde primeira hora desta mañá rexistráronse retencións nas vías de acceso aos pavillóns, a pesar de que a apertura de portas para os visitantes non será ata as 10.00 horas.

Este ano, o plan de tráfico especial cortou a entrada 157 da AP-9 desde a Avenida do Tranvía de Vigo, converténdose este tramo da rúa dun único sentido cara ao Ifevi. Ademais, para acceso exclusivo de expositores, abriuse un ramal ata agora inhabilitado que conecta a AP-9 co aparcadoiro do recinto.

A inauguración oficial de Coxemar levarase a cabo a partir das 12.00 horas, á que acudirán, entre outros, o presidente da Xunta, Alfonso Rueda, e a directora adxunta da División de Pesca e Acuicultura da Organización das Nacións Unidades para a Agricultura e a Alimentación (FAO), Vera Agostini.