A Comandancia da Garda Civil celebrou esta mañá de venres unha reunión co sector dos explosivos na provincia de Pontevedra. No transcurso deste encontro anual, que é o primeiro que se realiza en Pontevedra, pretendeuse sensibilizar a todos os actores relacionados co sector dos explosivos para previr e impedir todo tipo de ilícitos penais ou administrativos, e así evitar que se produzan desvíos de produtos explosivos que poidan ser utilizados na comisión de calquera tipo delituoso relacionado coa delincuencia común ou terrorista.
O obxectivo principal desta xornada é crear espazos de comunicación entre os actores do sector, onde se informe e se actualice todo aquilo que lles afecte dentro do desenvolvemento das misións que ten encomendadas a Garda Civil neste ámbito.
Asistiron os titulares, representantes e facultativos das explotacións e empresas consumidoras de explosivos, unha representación do depósito de explosivos que existe na provincia e persoal das distintas empresas de seguridade privada.
Os relatorios correron a cargo dos responsables das distintas Unidades da Garda Civil que teñen relación directa con esta materia: Intervención de Armas e Explosivos, Servizo de Información, Subsector e Tráfico e o Equipo de Especialistas en Desactivación de Explosivos desta Comandancia.
