O secretario xeral de Industria da Xunta, Nicolás Vázquez, mantivo un encontro con responsables da Universidade de Vigo para abordar as liñas de colaboración entre ambas as partes e tratar futuros proxectos conxuntos, e no que se tratou, entre outras cuestións, o uso do hidróxeno.
Segundo explicou Nicolás Vázquez, Xunta e Universidade ven o hidróxeno como “un alicerce enerxético no futuro, cun elevado potencial de xeración en Galicia”. Na reunión, na que participaron o vicerreitor de Planificación e Sostibilidade, José Luís Míguez, e o adxunto ao reitor, Jacobo Porteiro.
Ademais do uso de hidróxeno, Xunta e UVigo falaron tamén dos plans enerxéticos levados a cabo pola institución académica ata este momento, e os que prevé impulsar no futuro, baseados no uso de enerxías renovables para a produción térmica e eléctrica, ademais da implantación de medidas de aforro e eficiencia enerxética.
