O Festival Ikfem despídese con máis de 12.000 asistentes nos escenarios de Tui (Pontevedra) e Valença de Minho (Portugal).
Segundo informa a organización nun comunicado, este festival volverá en xullo de 2024. A edición deste ano arrincou cun sorprendente espectáculo cun piano, un violoncelo e un trombón flotando nas augas do río Miño.
A Ponte Internacional cortouse ao tráfico para acoller esta vez, non só música, senón tamén a máis de 40 expositores artísticos portugueses e españois para dar a coñecer os seus proxectos.
Entre os concertos máis especiais atópase o do mestre Vicctorino d’Almeida, compositor e pianista, celebrou os seus 70 anos de carreira xunto a dúas mulleres, Katia Guerreiro e Cremilda Medina.
O Festival Ikfem despide este martes a súa undécima edición con diferentes espectáculos singulares en Tui. O pianista Daniel Pereira ofrece o concerto ‘Só Beethoven’ e a Fundación Alqvimia Musicae realizará unha experiencia músico-visual.
