InicioVal MiñorBaionaA praia da Barbeira "móvese" a Gondomar para acoller o seu festival...

A praia da Barbeira “móvese” a Gondomar para acoller o seu festival logo de 4 anos en Baiona

O festival Barbeira Season Fest nacido en Baiona, de aí o nome do seu areal, terá lugar entre o 21 e 24 de setembro, e manterá íntegro o seu cartel.

PUBLICADO O

- Advertisement -

O festival Season Fest xa ten novo emprazamento. Celebrarase do 21 ao 24 de setembro en dous lugares estratéxicos do municipio de Gondomar: o Parque da Coelleira e o Parque das Ánimas.

Isaac González, director do Season Fest, di sentirse “moi satisfeito” coa nova ubicación. “Gondomar permítenos permanecer no Val Miñor, unha das zonas máis bonitas e con máis recursos do sur da provincia de Pontevedra”, sinala. Ademais, comenta que “outro dos propósitos era buscar un lugar achegado ao emprazamento anterior para non romper os plans de toda a xente que xa mercara o seu abono e tiña hoteis reservados pola zona”.


Pola súa banda, o alcalde de Gondomar, Paco Ferreira, declara que “Gondomar recibe ao festival cos brazos abertos e agradecemos a confianza da organización. É unha honra para nós acoller un festival desta categoría. Ademais, que mellor ocasión que esta para que un veciño ilustre de Gondomar, como Iván Ferreiro, poida ofrecer un gran concerto na súa casa.”


A organización do Season Fest, anuncia ademais que manteráintegramente o cartel que se fixera público hai uns meses. Xoel López, Iván Ferreiro, Triángulo de amor bizarro, os portugueses Capicúa e os grupos emerxentes do panorama independente de dentro e fóra de Galicia Margarita quebrada, Anabel Lee, Xenia, Firmado, Carlota, Lusillón, Aeronave adolescente, Visions of Johanna,
Sr. Jingles, Habitación Vudú, Tarde a todo
e Señora DJ, son os grupos confirmados para esta nova edición do Season Fest coa que o festival cumpre o seu 5º aniversario.

Entradas e abonos á venda
O público que queira asistir ao Season Fest pode mercar xa o abono na súa web. Ademais, todas as persoas usuarias do Carné Xove poderán mercar as entradas ao Season Fest cun 15% de desconto.

ÚLTIMAS

Piden 13 anos para un adestrador por supostos abusos a unha xogadora menor de idade en Vigo

Un adestrador de fútbol feminino enfróntase a penas que suman 13 anos de prisión, como...

Caballero denuncia a discriminación da Xunta a Vigo mentres “quere que quedemos calados”

O alcalde de Vigo, Abel Caballero, respondeu este mércores á "man tendida" e á...

Multa de 100 millons a Stellantis polo fraude no cártel de reciclaxe

Volkswagen, Stellantis e outros fabricantes de coches foron multados con 458 millóns de euros...

Petición de catro anos de cárcere para unha muller por ameazar cunha pistola a un coñecido en Vigo

A Fiscalía pide 4 anos e 1 mes de prisión para unha muller acusada...